Revista “Time” boton rastet më të njohura të komploteve që kanë lënë gjurmë

Nga vrasja që shkaktoi Luftën I Botërore e deri tek atentatet e shumta kundër Castro-s

Autoritetet në Dubai kanë lëshuar një mandat arresti ndërkombëtarë për 11 të dyshuar pas vrasjes misterioze të 20 janarit të Mahmoud Al-Mabhouh, një zyrtar i lartë i Hamasit. Të dyshuarit mendohet se janë anëtarë të një skuadre vrasësish që kanë hyrë në vend duke përdorur pasaporta false evropiane. Hamasi ka akuzuar shërbimin sekret izraelit Mosadi për orkestrimin e vrasjes. Ministri i Jashtëm komentoi, “Izraeli nuk përgjigjet kurrë, nuk konfirmon kurrë dhe nuk mohon kurrë”. Duke marrë shkas nga ky rast, revista “Time” boton një listë të dhjetë atentateve më të famshme që kanë mbërthyer botën në të shkuarën. Një ndër atentatet që ka lënë më shumë gjurmë në botë është ai ndaj Franc Ferndinandit. Nacionalisti serb Gavrilo Princi ka privilegjin për t’u kujtuar jo vetëm si njeriu që vrau Franc Ferdinandin dhe bashkëshorten e tij në vitin 1914, por si nismëtar i luftës mes Austrisë dhe Serbisë që shkaktoi fillimin e Luftës I Botërore. Pjesa interesante është se Principi mundi ta vriste Franc Ferdinandin në një përpjekje të dytë, pasi e para dështoi më herët në të njëjtën ditë. Leon Trotsky luajti një rol integral në formimin e Bashkimit Sovjetik. Si numri dy i Leninit ai themeloi Ushtrinë e Kuqe. Por më pas Lenin vdiq dhe Stalini mori drejtimin e Trotsky i gjorë nuk i mori shumë seriozisht idealet e udhëheqësit të tij të ri. Pasi u përplas disa herë me Stalinin ai u dëbua nga partia Komuniste e më pas nga Bashkimi Sovvjetik. Ai u kthye sërish në Bashkimin Sovjetik për të nisur një fushatë kundër Stalinit. Aty atij iu bënë disa atentate deri sa më në fund vdiq. Ndaj Hitlerit janë bërë dhjetara atentate. Përpjekja më e njohur, e cila thuajse pati sukses ishte ajo e 20 korrikut në vitin 1944. Atë ditë koloneli Claus von Stauffenberg hyri në dhomën e konferencës në Prusinë lindore la një çantë me eksploziv nën një tavolinë, afër asaj ku ishte ulur Hitleri dhe u largua me pretendimin se e thërrisnin në telefon. Më vonë, një person tjetër e largoi valixhen në fund të tavolinës për të lexuar një hartë. Bomba shpërtheu duke vrarë katër vetë, por jo Hitlerin. Më 7 shtator 1978 bullgari Georgi Markov qëndroi në një stacion autobusi pranë urës Uoterlu në Londër duke pritur që merrte autobusin për në punë. Papritur ai ndjeu një therje në këmbën e djathtë e më pas pa një burrë që po merrte një çadër në tokë duke i kërkuar falje. Katër ditë më vonë Marko vdiq në moshën 49 vjeçare. Para se të vdiste Markov u tha njerëzve përreth se mendonte se maja e çadrës kishte pasur helm dhe njeriu që e kishte hasur me të ishte agjent komunist. Ai kishte të drejtë për helmin. Konflikti izraelito-palestinez mori një kthesë jo të zakontë më 25 shtator 1997 pas një atentat ndaj zyratir të një grupi palestinez ushtarak, që u kthye në një sagë të komplikuar. Në hakmarrje të bombardimeve të Hamasit që vranë 16 izraelitë më 16 korrik 1997, kryeministri izraelit Benjamin Netanyahu urdhëroi vrasjen e liderit të Hamasit, Khaled Meshaal në Jordani, ku jetonte në atë kohë. Agjentët e Mosadit u kapën nga truprojet e Meshaal-it dhe pranuan përfshirjen me agjencinë sekrete.

Mosadi kundër Mahmoud Al-Mabhouh

Autoritetet në Dubai kanë lëshuar një mandat arresti ndërkombëtarë për 11 të dyshuar pas vrasjes misterioze të 20 janarit të Mahmoud Al-Mabhouh, një zyrtar i lartë i Hamasit. Të dyshuarit mendohet se janë anëtarë të një skuadre vrasësish që kanë hyrë në vend duke përdorur pasaporta false evropiane. Hamasi ka akuzuar shërbimin sekret izraelit Mosadi për orkestrimin e vrasjes. Ministri i Jashtëm komentoi, “Izraeli nuk përgjigjet kurrë, nuk konfirmon kurrë dhe nuk mohon kurrë”.

Ai që filloi luftën

Nacionalisti serb Gavrilo Principi ka privilegjin për t’u kujtuar jo vetëm si njeriu që vrau Franc Ferdinandin dhe bashkëshorten e tij në vitin 1914, por si nismëtar i luftës mes Austrisë dhe Serbisë që shkaktoi fillimin e Luftës I Botërore. Pjesa interesante është se Principi mundi ta vriste Franc Ferdinandin në një përpjekje të dytë, pasi e para dështoi më herët në të njëjtën ditë.

Heqja qafe e Trotsky-t

Leon Trotsky luajti një rol integral në formimin e Bashkimit Sovjetik. Si numri dy i Leninit ai themeloi Ushtrinë e Kuqe. Por më pas Lenin vdiq dhe Stalini mori drejtimin e Trotsky i gjorë nuk i mori shumë seriozisht idealet e udhëheqësit të tij të ri. Pasi u përplas disa herë me Stalinin ai u dëbua nga partia Komuniste e më pas nga Bashkimi Sovvjetik. Ai u kthye sërish në Bashkimin Sovjetik për të nisur një fushatë kundër Stalinit. Aty atij iu bënë disa atentate deri sa më në fund vdiq. 

Atentat ndaj Fyhrerit

Ndaj Hitlerit janë bërë dhjetara atentate. Përpjekja më e njohur, e cila thuajse pati sukses ishte ajo e 20 korrikut në vitin 1944. Atë ditë koloneli Claus von Stauffenberg hyri në dhomën e konferencës në Prusinë lindore la një çantë me eksploziv nën një tavolinë, afër asaj ku ishte ulur Hitleri dhe u largua me pretendimin se e thërrisnin në telefon. Më vonë, një person tjetër e largoi valixhen në fund të tavolinës për të lexuar një hartë. Bomba shpërtheu duke vrarë katër vetë, por jo Hitlerin.

Georgi Markov dhe arma çadër

Më 7 shtator 1978 bullgari Georgi Markov qëndroi në një stacion autobusi pranë urës Uoterlu në Londër duke pritur që merrte autobusin për në punë. Papritur ai ndjeu një therje në këmbën e djathtë e më pas pa një burrë që po merrte një çadër në tokë duke i kërkuar falje. Katër ditë më vonë Marko vdiq në moshën 49 vjeçare. Para se të vdiste Markov u tha njerëzve përreth se mendonte se maja e çadrës kishte pasur helm dhe njeriu që e kishte hasur me të ishte agjent komunist. Ai kishte të drejtë për helmin.

Mosadi humb shënjestrën

Konflikti izraelito-palestinez mori një kthesë jo të zakontë më 25 shtator 1997 pas një atentat ndaj zyratir të një grupi palestinez ushtarak, që u kthye në një sagë të komplikuar. Në hakmarrje të bombardimeve të Hamasit që vranë 16 izraelitë më 16 korrik 1997, kryeministri izraelit Benjamin Netanyahu urdhëroi vrasjen e liderit të Hamasit, Khaled Meshaal në Jordani, ku jetonte në atë kohë. Agjentët e Mosadit u kapën nga truprojet e Meshaal-it dhe pranuan përfshirjen me agjencinë sekrete.

Helmimi i Alexander Litvinenko

Moskës nuk i pëlqen kur ish-zyrtarët e inteligjencës e akuzojnë publikisht për promovim të terrorizmit dhe mbështetje të komploteve vrastare. Ndaj kur ish-oficeri Alexander Litvinenko i akuzoi superiorët e tij se kishin urdhëruar vrasjen e miliarderit rus, Boris Berezevsky ai dinte se po kthehej në një njeri të kërkuar. Ai u arestua, u gjykua, u la i lirë, u arrestua sërish dhe u lirua. Më pas iku në Londër dhe botoi disa libra kundër Putin. Më pas, çuditërisht ai u sëmur dhe vdiq në në vitin 2006.

Rodrigo Rosenberg gjuan veten

Pas një hetimi tetë-mujor OKB-ja arriti në përfundimin se presidenti i Guatemalës, Alvaro Colom nuk kishte luajtur asnjë rol në vdekjen e avokatit Rodrigo Rosenberg në maj 2009, pavarësisht faktit se Rosenberg kishte lënë një video ku thuhej se nëse gjendej i vdekur fajësohej Colom. Paneli arriti në përfundimin se Rosenberg e kishte orkestruar vetë vrasjen e tij për të fajësuar Colom-in, të cilin e fajësonte për përfshirje ne vrasjen e të dashurës dhe babait të saj.

Një revolucion i helmosur

Në vitin 2004 Viktor Yushchenko, një kandidat i opozitës i cili u bë hero i Ukrainës e festoi revolucionin Portokalli i helmatisur me dioksin. Rrethanat janë të paqarta, por diagnoza doli në pah disa javë pasi Yushchenko u sëmur pas një darke që pati me disa zyrtarë të shërbimeve sekrete ukrainase. Helmatisja nuk arriti ta vriste, por fytyra e tij u shpërfytyrua. Gjithsesi ai u betua si president i vendit në janar të vitit 2005.

Shënjestra e preferuar e CIA-s

Diktatori jetëgjatë Fidel Castro ka qenë subjekt i shumë tentativave për vrasje, e shumë prej tyre në vitin 1960. Gjatë kulmit të Luftës së Ftohtë CIA krijoi një sërë atentatesh me mjaft fantazi, të cilat nuk dolën ndonjëherë me sukses për të vrarë ose të paktën për të diskredituar liderin kuban. Agjencia mendoi për gjithçka që mund ta hiqte qafe, që nga cigaret bomba e deri tek pilulat e helmatisura në këpucët e tij.

Atentate të tjera që tronditën botën

- Më 30 gusht 1918, Fania Kapllan me origjinë çifute, anëtare e së ashtuquajturës Parti Social Revolucionare qëllon me revolver Leninin gjatë një mitingu në Petrograd, sepse ai nuk kishte urdhëruar t’i bëhej atentat Carit, kur ndodhej në Kiev më 1911. Kërkon të fshihet, por kapet dhe pushkatohet më 3 shtator të atij viti.

- Më 22 nëntor të vitit 1963, gjatë vizitës së tij në Dallas (Teksas), ndërsa udhëtonte me një makinë të hapur, vritet presidenti amerikan Xhon Kenedi. Pavarësisht se atentatori, Li Osvold, që humbi gjurmët, u kap pas disa ditësh, ende kanë mbetur mister shkaqet e vrasjes së Kenedit, sepse Osvoldi u vra teksa dilte nga zyra hetimore nga Xhak Rabini, me preteksin, siç u shpreh më pas ai, se nuk mund t’ia falte atij që “vrau presidentin tim”.

- Më 1981, vetëm disa muaj pasi ishte vendosur në Shtëpinë e Bardhë, presidenti amerikan, Ronald Regan, qëllohet me revolver nga Xhon Hinkli, një shkrimtar që merrej me skenare filmash. Më 1982 ekspertiza e nxori atentatorin me të meta mendore. Ai edhe sot vuan dënimin në një spital psikiatrik.

- Në tetor 1986 vritet krejt papritur kryeministri suedez, Olaf Palme. Ende edhe sot nuk dihet se cili është atentatori dhe cilat ishin shkaqet që e shtynë të bënte këtë vepër.

- Në vitin 1981, ndërsa merrte pjesë në një paradë ushtarake në Kairo me rastin e përvjetorit të rimarrjes së Kanalit të Suezit, ekzekutohet në tribunë presidenti egjiptian, Anvar Sadat. Atentatorët janë ushtarakë që zbresin nga një makinë, e cila merrte pjesë në këtë paradë. Shkaqet e vrasjes lidheshin me kundërshtimin e politikës së Sadatit për afrimin me Izraelin. Më pas del se disa nga autorët e atentatit ishin bashkëpunëtorë të Bin Ladenit, ndër të cilët dhe i famshmi Al Zavari.

- Në 1984 vritet kryeministrja e Indisë, Indira Gandi. Autorët e atentatit janë dy roje të gardës së saj personale nga fisi Sik që e vranë në shenjë hakmarrjeje ndaj Gandit, e cila kishte urdhëruar që trupat e ushtrisë indiane të futeshin në “Tempullin e Artë” të fisit Sik, i cili dyshohej se ishte kthyer në strehë terroristësh. Atentatorët që u orvatën të arratiseshin, kapen dhe dënohen me pushkatim.

- Në pranverë të vitit 1995, pas përfundimit të një mitingu, qëllohet për vdekje kryeministri izraelit, Itzhak Rabin. Atentatori është Zhigal Amir, student ortodoks izraelit, i lidhur me grupe ekstremiste. Bën përpjekje të ikë, por kapet dhe pohon se qëlloi mbi Rabinin se ishte kundër marrëveshjes së tij me presidentin palestinez Arafat. Dënohet më burgim të përjetshëm.

- Në mars 2003 vritet me atentat të kryer me pushkë me dylbi, kryeministri serb, Xhinxhiç. Autori Zvezdan Jovanovic kapet pas disa ditësh.

- Në shtator të vitit 2003 qëllohet me thikë dhe vdes ministrja e Jashtme e Suedisë, Ane Lind. Atentatori është serbi Mihajllo Mihajlloviç, që arrestohet pas disa javësh. Pohon se e kishte vrarë Lindin si shenjë proteste kundër përkrahjes që ajo u kishte dhënë trupave të NATOS-s për bombardimin e Serbisë. Dënohet me burgim të përjetshëm.

Burimi: TiranaObserver