Historia ka pasur gjithmonë ndërtuesit dhe shkatërruesit e saj. Ishin ndërtuesit ata që duke çelur fusha, duke mbjellë, duke ruajtur prodhimet, bënë të mundur rritjen e popullsisë dhe formonin e qytetërimeve. Dhe kanë qenë gjithmonë shkatërruesit, nomadët, të shkulurit nga toka, ata që sulmonin të mbjellat dhe çdo që ishte ndërtuar.Ndërtuesit i kanë rrënjët në tokë, adhurojnë shoqërinë ku jetojnë dhe e duan atë të pasur dhe të bukur. Nderojnë vepra arti që shprehin idealet e tyre fetare, estetike dhe morale. Mendoni një në moment për katedralet e krijuara nga qytetarët në mesjetë, pallatet dhe zyrat e ndërtuara nga princat tregtar në Rilindje. Janë kryevepra që shkojnë tej ndërtimeve që janë objekte të nevojave të përditshme. Janë krijuar për të qenë të përjetshme, sepse përmbajnë shpirtin e shoqërisë së kohës. Për shkatërruesit këto gjëra janë pa kuptim. Shkatërrojnë pallatet, djegin tempujt, varrosin gjerat e arta, thyejnë statujat e perëndive. Edhe sot vazhdojnë të jetojnë ndërtuesit dhe shkatërruesit. Le të shohim në Afrikë. Në shumë vende pushteti është në duart e njerëzve të armatosur, që e ruajnë atë duke vendosur armët kundër popullit. Jetojnë në pasuri, vendosin paratë në banka evropiane, sillen si të ishin pushtues të huaj, si nomadë në tokën e tyre. Le të vijmë tani në Itali. Zhvillimi është i ndalur nga krimi i organizuar. Mafia, Ndrageta, “Sakra Korona Unita”, “Kamorra” janë komunitet shkatërruesish që grabisin popullin e vet. Por ka grabitës Dhe shkatërrues dhe në politikë, në ekonomi, që sot shkaktojnë krizën globale të ushqimit dhe të energjisë. Dhe në disa momente ka edhe popuj, le të mendojmë sot për kinezët, që pushtojnë sot botën me prodhimet e tyre dhe përhapen gjithkund duke qëndruar të huaj, si nomad.

Për shekuj në kufijtë e perandorisë romake, legjionet kanë qenë muri kundër pushtimit nga shkatërruesit. Për shekuj me radhë mbretëritë islamike të Afrikë së Veriut kanë luftuar kundër nomadëve që shkatërronin prodhimet dhe u sillnin uri popujve. Por të mos kemi më iluzione, kjo luftë vazhdon ende. Sepse ka gjithmonë pushtues, ka gjithmonë gjahtarë që na kërcënojnë.

Çdo komb do të mbijetojë vetëm nëse do të gjejë në vetvete solidaritetin dhe kurajën për të mbrojtur popullin e vet dhe vlerat e veta më të mira. Nëse kupton se nuk është në shitje.



Burimi: TiranaObserver